null Baso bainua Lizarrustin (abuztuak 21)

2021 / 08 / 21
baso bainua

Aurtengo udan saio berezia proposatzen du Aralarko Parketxeak Lizarrustiko pagadi ederretan murgilduta. Baso bainua deituriko jardueraz ari gara hain zuzen ere. Japonian sortutako Shinrin-Yoku jardueran oinarritua dago; han, herritarren estres-maila murrizteko diseinatutako osasun-programa nazional baten barneratua dago. Baso-bainua naturarekin bat egiteko praktika salutogenikoa da, zentzumenak basoaren atmosferara irekiz, ingurunearekiko lotura emozionala sustatzen da. Parte-hartzaileen ongizatea hobetzea, estresa arintzea eta atsedena sustatzea ditu helburu. 

Amaia Agote aditua izango da jardueraren gidaria eta praktika honen onurak bereganatzen lagunduko gaituena. Hitzordua abuztuaren 21ean izango da, larunbatarekin, goizeko 10:30ean Lizarrusti parketxean.

Aforoa mugatua denez, izena ematea derrigorrezkoa izango da. Prezioa pertsonako 12 eurokoa da.

Indarrean dauden Covid-19 osasun-prebentziorako neurriak hartuko dira.

INFORMAZIO GEHIAGORAKO ETA IZENA EMATEKO:
barandiaran@gipuzkoanatura.eus
943180335 / 688895069
www.gipuzkoanatura.eus