Erakusleak
Mundu guztiko landare bildumak erakusgarri izando dira Landare Berezien 20. Azokan
Kontinente guztietako landare eta loreak ezagutu eta erosteko aukera paregabea eskainiko du beste behin Iturrarango Landare Berezien Azokak apirilaren 27an eta 28an egingo den 20. edizioan.
Edizio honetan, Frantzia, Espainia eta Euskal Herriko 50 mintegik beren aleak ikusgai eta salgai jarriko dituzte Iturrarango Lorategi Botanikoan. Landare asko gure artean ezezagunak badira ere, arazorik gabe lorategietan edo etxeko leihoetan zaindu ditzakegun lore eta landareak aurkitu ahalko dituzte norbanako zein bildumagileek.
Jose Mesa
Arteaga auzoa, 13 48170 Zamudio
agroturismo.iabiti@gmail.com
00 34 944 52 23 70
Espezialitatea
Iratze edo garoak
Historia
Iabiti Landarak familiako ustiapen tradizionaletik jaio zen. Garai bateko ustiapena, iratze mota ezberdinen ekoizpenera bideratu dugu.
Iratzeak, landare bereziak direlako aukeratu ditugu, oso antzinako landareak dira eta eta landatarrak. Hauek merkatuan aurkitzea batere erraza ez zenez, landare hauen balioa publiko orokorrari helaraztea ideia ona iruditu zitzaigun.
Tradizioan eta ingurumenarekiko errespetuan oinarritutako ekoizpena egiten dugu. Barietate berriak bilatzen saiatzen gara, beti ere, ingurunean ondo egokitzen direnak eta gure paisaiari kalterik egiten ez diotenak.
Zergatik
Bilduma-landare bat aukeratua izan den eta bere hazkuntzan lagundu zaion landare bat da. Laguntza hau hasiera hasieratik ematen zaio eta bide guztian zehar mimatua da. Landare horrek, askotan, urte asko irauten du mintegian eta erosleak erosi eta gero ere, urte askoan egongo da jabe berriarekin ere. Ez dira sasoiko landareak, landatu eta handik bi hilabetera hiltzen direnak.
Hori dela eta, mintegizale bildumazaletzat har naiteke.
Barietateak
- Platycerium Bifurcatum
- Platycerium Superbum
Beste azokak
Iturrarango Landare Berezien Azokan eta Bizkaiko bost kontinenteetako landare azokan hartzen dugu parte.
Azoka tradizionaletan ere parte hartu ohi dugu, San Tomasekoan esaterako, eta hainbat sari ditugu jasoak.