Erakusleak
Mundu guztiko landare bildumak erakusgarri izando dira Landare Berezien 21. Azokan
Kontinente guztietako landare eta loreak ezagutu eta erosteko aukera paregabea eskainiko du beste behin Iturrarango Landare Berezien Azokak apirilaren 26an eta 27an egingo den 21. edizioan.
Edizio honetan, Frantzia, Espainia eta Euskal Herriko 57 mintegik beren aleak ikusgai eta salgai jarriko dituzte Iturrarango Lorategi Botanikoan. Landare asko gure artean ezezagunak badira ere, arazorik gabe lorategietan edo etxeko leihoetan zaindu ditzakegun lore eta landareak aurkitu ahalko dituzte norbanako zein bildumagileek.
Juan
Sevilla
todoplant@gmail.com
00 34 652 85 83 73
Espezialitatea
Hego afrikako erraboilak eta pelargoniumak
Historia
Dena 2009an hasi zen, beste bildumagilei landare eder hauek ezagutu eta gozatzeko aukera ematea zen nire helburua.
Hasiera ez zen erraza izan. Landare mota hauen landaketa ez ezagutzeak bidea ez zuen erraztu eta beste mota bateko landareetara ohitua zegoen publikoarengana iristea eta landare berezi hauek ezagutaraztea lan arduratsua izan zen.
Instalazioak txikiak diren arren, espazioa ahalik eta gehien aprobetxatzen da.
Urtero, gero eta espezie gehiago eskaintzen zaizkie bildumagileei. Erraboila guztiak gure hazi propioetatik lortzen dira. Eskuz polinizatzetik hasi eta erraboila tamaina egokira iritsi arteko prozesu guztia ahalik eta arreta eta dedikazio handienarekin egiten da.
Zergatik
Espainian eta Europan lortzen errazak ez diren landare ezohikoak eta ederrak landu ahal izateagatik eta beste bildumagile batzuekin esperientziak, dedikazio-urteak, akatsak eta gozamena elkarbanatzeko nahiarekin.
Edertasunagatik, tamainagatik, hostoengatik, loreengatik... erakartzen gaituzten eta gure lurraldean ezohikoak diren landareak dira bildumako landareak.
Barietateak
Daubenyqk, massoniqk eta ferrariak, adibidez. Landarerik maitatuenak berriz, Geissorhiza radians eta lapeirousia oreogena.
Beste azokak
- La Paloma Parkeko Landare Berezien Azoka (Benalmadena)
- Burjassoteko orkidea azoka
- Bost kontinenteetako landareen azoka.
- KAKTUSEN ETA LANDARE SUKULENTEN NAZIOARTEKO AZOKA (Rosaleda,Madril)
