Urtero legez, Aiako Harria natura-parkean, Errenterian dagoen Listorretako aisia gunea ezagutzera emateko eta balioztatzeko hainbat jarduera berezi antolatu ditu Errenteriako Udalarekin elkarlanean, Gipuzkoako Parketxe Sareak.
Uztailaren 20an, igandearekin, Basabizi zentroan berreskuratutako hegaztien askatzea egingo da.
Abuztuaren 10 eta 29an, aldiz, Aiako Harria natura-parkea ezagutzeko txango gidatua antolatu da. Listorretatik hasita, parkearen altxorretako batzuk gertutik ezagutzeko aukera izango dugu ibilaldi motz baten bidez.
Amaitzeko, irailaren 5ean, ostiralarekin, izango da azken saioa. Saguzarrak, ugaztun hegalari harrigarriak hurbiletik ezagutzeko aukera izango dugu Lander Olasagasti adituaren eskutik. Oinarrizko azalpenak emateaz gain, detektagailu berezi batzuk erabiliz entzuteko aukera izango da, baita, ingurunea adi behatuz gero, haietakoren bat ikusteko ere. Saguzarrak gure inguruan bizi diren ugaztun hegalari ezezagunak dira; saio honen bitartez, ingurunean daukaten garrantzi ekologikoaz ohartuko gara. Ekintza euskaraz eta gaztelaniaz izango da.
Jarduera guztietan, nahitaezkoa da aurrez izena ematea (943 49 50 69 / 688 895 068 / arditurri@gipuzkoanatura.eus).