Landare Berezien Azoka

 

Gipuzkoako Foru Aldundiaren eta Aiako Udalerriaren helburuetako bat, inguruan ematen diren ohiko bizimoduen kontserbazio eta sustapenerako laguntza bat izatea da. Helburu honi loturik jarri zen abian 2003an Landare Berezien Azoka, ekoizleek festa giro batean beraien produktuak plazaratu zitzaten.

Etapa berri hau, urtean behin ospatzen den Landare Berezien Azokarekin hasi genuen. Urte guzti hauetan egindako lanaren ondoren, azokaren zain irrikitan egoten den publiko zabal bat sortzea lortu da eta hauekin dugun harremanari eutsi nahian, bai erosle baita mintegizale parte hartzaileekin ere, 2023an ere, Landare Berezien Azoka ospatuko dugu.

Aurtengo azokan ere elkarlanean aritzea da gure helburua eta etorkizunean ere ildo berari eustea da asmoa. Pagoeta Natura Parkea, Iturrrango lorategi botanikoa eta Aia udalerri osoa, kanpo eta barru, kolorez eta usain goxoz estaliko duten mundu guztiko landare, zuhaitz eta lore bitxiez berriro ere betea ikusiko dugu 2023ko apirilaren 29an eta 30ean.
Sukelenta landareen irudia
Azoka berezi honi esker, Euskal Herriko landare mintegiek ere urrats handiak eman dituzte bertako espezieen bilaketa eta kontserbazioan, eta aurrera begira ere bide horretan lagungarri izaten jarraitu nahi dugu.

Guzti hori aurreikusita, Landare Berezien 19. Azoka, 2022ko Apirilaren 29an eta 30ean burutuko da Iturrarango Lorategi Botanikoan (Pagoeta Natura Parkea, Aia, Gipuzkoa).

 
 

Hitzordu berde honi jarraiki, urtero Iturraranera  beraien altxor partikularraren bila gerturatzen diren zaleei, azokara berezi honetara gerturatzeko gonbidapena luzatzen diegu. Aurrez aurre maxixatu, usain eta kolore ezberdinez goxatu eta gustuko duten pedigridun landarea eskuratzeko aukera izango dute.

2023ko Landare Berezien Azokako kolore bizi eta usain goxoak Euskal Herriko eta mundu guztiko zirrikitu guztietara heldu ditezela.