Izarraizko Bira
"Izarraizko bira" osatzen dute, alde batetik, izen bereko mendikateari magal erdiko altueran itzulia ematen dion ibilbide zirkularrak eta, bestetik, bertara heltzea ahalbidetzen duten hiru loturek; Azpeitikoak, Azkoitikoak eta Zestoakoak. Azkoitiko lotura Azkoitiko Balda plazan hasten da eta Aitzgaña baserri inguruko bidegurutzean elkartzen da zati zirkularrarekin. Zestoako lotura Zestoako Zubizarrean hasten da eta Ondarbaso baserri inguruko bidegurutzean elkartzen da zati zirkularrarekin. Azpeitiko lotura berriz, Izarraizko Atea parkean hasten da eta Urreta txiki baserri inguruko bidegurutzean elkartzen da zati zirkularrarekin. Lotura nagusi horiez gain, Aitolako aparkalekua/aisialekuak hasiera -amaiera puntu estrategikoa da, zuzenean ibilbidearen zati zirkularrera batu eta loturak (igoera/jaitsiera handieneko zatiak) ekidin nahi izanez gero
Askantxoko saguzarrak
Hernio-Gazumen mehatxatutako fauna espezieak bizi dira: hildako egurrean bizi diren intsektu deskonposatzaileak, saguzarrak eta hegazti harrapariak (sai arrea eta sai zuria) esate baterako. Espezie hauek eta euren habitatak ezagutzeko bi ibilbide proposatzen dizkizuegu: Askantxoko bira edo Itxuraingo bira.
Gautxori eta Gurutzeen bidea
Mendia eta natura gustuko duenarentzako aproposa. Denetara 14 km dituen ibilbide zirkularra da, Alkiza eta Hernioko paisaia ederrez gozatuz.
Sagarraren bidea
Errezilek badu herri gisa ospea ematen dion tokiko produktua, herriaren izen bereko barietatea edo Errezilen bertan Ibarbia bezala ezagutzen dugun sagarra. Bailara honetako baserrietako sagastietan ekoiztu, eta urteen poderioz sortutako sagar barietatea da, mahairako kalitatezko sagarra, gordinik edo erreta jateko. Ibilbide honetan sagar honen sekretuak ezagutuko ditugu.
Astigarraga. Ekialdeko Mugarriak
Astigarragan espero ez dituzun gauzak aurkituko dituzu: istorio eta ohitura zaharrak, pertsonaia esanguratsuak... Hemen dituzun ibilbide hauetan barrena aukera duzu, zure kasa, astigartarren pausoetan murgildu eta gure aiton-amonen garaietara bidaia egiteko.
Santiagomendiko ibilbidea
Hirigunea atzean utzirik, Astigarragako lehen biztanleak bizi ziren kokalekura bideratuko zara. Santiagomendi auzoa bisitatzea ezinbestekoa da Astigarragaren jatorria ezagutu eta garai bateko bizitzan murgiltzeko.
Olazar (Ibeltz)
Ibilbide honek Larrauleko ikuspegi orokorra emango dio mendizaleari. Plazatik abiatuta, Txuringadi Errotaren ondotik igarota, Olazar (Ibeltz) burdinola ezagutuko genuke, bide honetan, Usarrabi erreka, egurrezko zubiak erabiliz, behin baino gehiagotan zeharkatuz.
Adarramendi inguruko ibilbidea
Adarramendi mendia inguratzen duen ibilbide honek Urnietako historia, natur eta kultur ondarea ezagutzeko aukera paregabea eskaintzen dute, hala nola: hainbat monumentu megalitiko, goi-mendietako larreak, baso motzak, betizu behiak eta bestelako abereak .
Besabi-Mulisko-Oindi
Familian egiteko ibilbide aproposa da. Ibilbide honi jarraituz gero, Muniskuegañako gentilbaratza ikusgarriaz gozatzeko parada izango duzu, beste monumentu megalitiko ugariren artean. Horretaz gain, Oindiko (Onyiko) gailurrera igoko zara, eta bertatik inguruko herrien zein kantauri kostaldearen ikuspegi panoramikoari argazkia ateratzeko aukera aparta izango duzu.