Oñati Ekialdea: Aloñapeko ibilbidea
Ibilbide klasiko honek Oñati herriaren ikuspegi ugari eskaintzen dizkigu. Gune historikoan hasi eta baserri auzoetatik pasatzen da, haranaren aberastasun natural eta etnografikoak agerian utziz
Erregebide-Bedoña
Ibilbide hau Zubillaga (Oñati) auzorantz doa ospitale ingurutik, Erdi Aroan Gaztela Frantziarekin lotzen zuen Erregebidea hartuta, eta Andramarizurin jarraitzen du Urkulurako bidetik Bedoña azpialdera. Bedoñatik Larragain tontorrera eta berriro ere ospitalera.
Tumuluen xenda
Ibilaldi hau Deba eta Urola arroen artean dagoen mendizerratik luzatzen da, bertan dauden aztarna arkeologiko ugarien bidea jarraituz.
Intxorta-Asentzio
Intxorta eta Gazteluaitz tontorrak eta Asentzio ermita gune nagusi moduan dituen ibilbide honetatik, Bizkaia eta Gipuzkoako mendiak begiztatu daitezke: Udalatx, Anboto, Urkiola etab.
Udala-Besaide
Udala eta Besaide bi bide ezberdinez batzen ditu ibilbide honek, beti ere Udalatxeko maldetan dagoen artadi aberatsari garrantzia emanez.
Oro-Larrino-Urkulu urtegia-Aozaratza
Oro auzoa, Larrino eta Aozaratza elizateak zeharkatzen dituen ibilaldi hau aukera paregabea da Urkulu urtegiaren inguruak osatzen duen gune naturala ezagutzeko.
Uzarraga-Galartza-Lizarraga-Irimoegi goena
Paisaje ederraz eta naturaz gozatzeaz gain, ibilaldi honek Antzuolako nekazal auzoetan sakabanatuta dauden baserriak ezagutzeko aukera ematen digu.
Larrez larre
Arantzazuri sona handia eman dizkio arteak eta kulturak. Horrek itzal handia egin izan dio, maiz, santutegiaren kokapen geografikoak tokiari ematen dion indarrari. Ibilbide honetan ikusi daiteke ingurune horren aberastasuna, ikuspegi bikainekin eta zabalekin, natura eta ofizio zaharrak uztartzen dituen ibilbidean.
Aitzorrotz inguruak
Arabaren eta Gipuzkoaren arteko bidea Aitzorrotzeko gazteluak zaintzen zuen. Erdi Aroko aztarnak aurkitu zituzten han egindako indusketetan, eta jasotako datuek XII. menderaino garamatzate. Historiaz eta eraikin ederrez betetako bidea da hau, eta merezi du bizikletarekin itzultzea, ibilbidean baitago Dorletako ermita, ziklisten zaindariaren santutegia. Ibilbideak bi sarrera ditu (Eskoriatza eta Leintz-Gatzaga) xenda zirkularrera.
Tracka bira osoarena da. Informazio orokorra ibilbide zirkularrarena da. Hemen loturen datuak:
Leintz-Gatzagatik: 8,1km +350m/-350m, 2h45' gehiago
Eskoriatzatik: 2km +150m/-143m, 50' gehiago